Yurtimizda qabul qilinayotgan qonun va Hukumat qarorlari qishloq xo’jaligida yer va suv resurslaridan yanada samarali foydalanishga, sug’oriladigan gektar mahsuldorligini oshirishga imkon bermoqda. Shular qatorida O’zbekiston Respublikasi Prezidentining 2003 yil 24-martdagi «Qishloq xo’jaligida islohotlarni chuqurlashtirishning eng muhim yo’nalishlari to`g`risida»gi Farmoni muhim o’rin tutadi.Shuningdek, «2004-2006 yillarda fermer xo’jaliklarini rivojlantirish konsepsiyasi to`g`risida»gi (2003 yil 27-oktabr) Farmoni qabul qilindi. «Yerlarning meliorativ holatini yaxshilash tizimini tubdan takomillashtirish to`g`risida»gi Prezidentimiz Farmoni (2007 yil 29-oktabr) 2008-2012 yillar davomida irrigatsiya va melioratsiya sohalarida bajariladigan ishlar turkumi va ko’lamini belgilab berdi.