«UMUMIY AMALIYOT SHIFOKORLARI UCHUN UROLOGIYA FANIDAN STANDART BAYONNOMALAR

Ushbu o’quv qo’llanma xorijda chiqarilgan qo’llanmalar namunasiga xos ravishda tuzilgan bo’lib, o’z ichiga umumiy amaliyot shifokori uchun zarur bo’lgan kasallik va sindromlarni qamrab olgan. Qo’llanmada pielonefrit, tsistit, uretrit, orxit, epididimit, prostatit, varikotsele, siydik tosh kasalligi, prostata bezi havfsiz giperplaziyasi va raki kabi kasalliklar, hamda buyrak sanchig’i, pastki siydik yo’llari simptomlari, gematuriya, oliguriya, anuriya kabi sindromlarning klinik belgilari, ularni tashxislash va qiyosiy tashxislash, davolash taktikasi va usullari xaqidagi ma`lumotlar ko’rsatilgan. Ambulatoriya sharoitida bajariladigan maxsus urologik tekshirishlar xaqidagi ma`lumotlar va ularning natijalari, turli kasalliklarda o’tkaziladigan maxsus urologik tekshiruvlarning hajmi bayon qilingan. Qo’llanmada bemorlarni dispanserlash va reabilitatsiya qilish, kasalliklar profilaktikasi, aholi orasida olib boriladigan sanitar-ma`rifiy ishlar yoritilgan. O’quv qo’llanma tibbiy institutlarning talabalari va umumiy amaliyot shifokorlari uchun mo’ljallangan.