А.Раҳмонов 1959 йили 1 январ куни таваллуд топган. Унинг ота-онаси – Розиқул ака ва Гулистон опа деҳқончилик билан шуғулланганлар. Халқ орасида меҳнаткаш, камтарин, ҳокисор инсонлар сифатида танилганлар. Уларнинг ўн нафар фарзанди бўлиб, Абдуҳомид ака шу хонадоннинг тўнғичи.
У 1966 йилда Қарши туманидаги 4-умумий ўрта таълим мактабига ўқишга борди. Эл орасида машҳур Ғулом Ҳалимов домладан хат-савод ўрганди.
А.Раҳмоновда педагоглик касбига ҳавас ўша даврдан бошланган десак, адашмаймиз. У мактабда аъло баҳоларга ўқиб, синфдан ва мактабдан ташқари ўтказиладиган тадбирларда фаол иштирок қилган.