Qattiq jismlarda issiqlik sig’imining klassik va kvant statistic nazariyalarining o’zaro bog’liqligi

Talabalarning nazriy bilimlarini rivojlantirishga yordam bеruvchi fizik ta’lim mazmunini yaratish va tеgishli tavsiyalar ishlab chiqishdan iborat.Ma’lumki, ko’p bosqichli ta’lim tizimida o’rta umumta’lim, o’rta maxsus, kasb-hunar ta’limi (akademik litsey va kasb-hunar kollejlari), Oliy ta’lim (bakalavriat va magistratura) da fizika kursi o’rganiladi. Xususan, fizika kursida dars mashg’ulotlarining mazmuni va uni tashkil etish uslublarini takomillashtirish o’qitish metodikasida dolzarb vazifalardan biri hisoblanadi. Talaba va magistrlarning yuqori saviyadagi bilim va mahoratga ega bo’lishida fizik praktikum va nazariyaning o’rni juda muhimdir. Praktikum paytida talaba va magistrlar o’z bilimlarini oshirib; olgan nazariy bilimlarini mustahkamlab; fizikaning asosiy tushunchalari va qonuniyatlarini chuqurroq anglab; eksperimental masalalarni yechish ko’nikma va malakalarini egallab; fizik asbob, qurilmalar va o’lchov asboblari bilan ishlashni o’rganib, fizik eksperiment va namoyish tajribalarini mustaqil bajarish, kuzatish va tajriba natijalarini matematik qayta ishlash usullarini o’zlashtirib oladilar. Bunda yangi pedagogik va axborot texnologiyalaridan foydalanish, yaxshi ijobiy natijalarga olib keladi. Shunga ko’ra, o’qitish uslublarini takomillashtirish bilish nazariyasi, fanning metodologiyasi va o’qitishning psixologik, didaktik asoslariga tayanadi.