Bir xil taqsimlangan tasodifiy miqdorlar uchun lokal teoremadagi notekis baho

Bir xil taqsimlangan tasodifiy miqdorlar uchun lokal teoremadagi notekis baho ehtimolliklar nazariyasining asosiy bo`limlaridan biri – lokal limit teoremalar nazariyasiga bag`ishlangan bo`lib, unda panjarasimon taqsimlangan va uzluksiz tasodifiy miqdorlarning oddiy yig`indilari uchun lokal limit teoremalar ko`rilgan, bir xil taqsimlangan va har xil taqsimlangan tasodifiy miqdorlar ketma-ketligi uchun mavjud natijalar batafsil yoritilgan. Ma`lumki, ehtimollar nazariyasi va matematik statistikaning ko`plab masalalarini hal etishda tasodifiy miqdorlarning yig`indilari, qo`shiluvchilar soni kattalashib borganda, qanday qonunga intilishini aniqlash muhim masala bo`lib qoladi; shunday masalalarni hal etish jarayonida, masalaning mohiyatiga qarab turlicha – markaziy limit teoremalar, lokal limit teoremalar va global limit teoremalar isbot etiladi. Biroq, bunday teoremalarning isbotlanishi bilan muammolar to`la hal bo`lib qolmaydi, chunki bu teoremalarda qo`shiluvchilar soni n - qanday bo`lganda bu teoremalarni qo`llash samarali bulishini oydinlashtirish lozim bo`ladi.Bunday savollarga javob berish uchun, isbotlangan lokal limit teoremalarda yaqinlashish tezligini aniqlash, olingan baholarning tasodifiy miqdorlarning sonli xarakteristikalariga va o`zgaruvchi