«Ku’nxoja lirikasi’nda ko’rkemlew qurallari’ ha’m usi’llari’»

Qaraqalpaq a’debiyattani’w iliminde a’debiyati’mi’z tariyxi’ bir qatar u’yrenilse de yele de di’qqat bo’letug’i’n ta’repleri bar. Solardi’n’ ishinde bir neshe ji’llardan beri izertlewden shette qali’p kiyati’rg’an, yaki ha’zirgi qaraqalpaq a’debiyati’ ilimi jetiskenliklerinen kelip shi’g’i’p u’yreniwdi talap yetetug’i’n ma’seleler barshi’li’q. Atap aytqanda XIX a’sir klassik shayi’rlari’mi’zdan Ku’nxoja İbrayi’m uli’ni’n’ do’retiwshiligi. Shayi’r boyi’nsha a’debiy miyras si’pati’nda u’yrenilgen miynetlerden basqa izertlew joqti’n’ qasi’nda. Bul da’wirdin’ basqa wa’killeri Ku’nxoja shayi’rdi’n’ zamanlaslari’ Berdaq G’arg’abay uli’, A’jiniyaz Qosi’bay uli’, Wo’tesh Alshi’nbay uli’ do’retiwshiligi belgili da’rejede son’g’i’ ilim jan’ali’qlari’ negizinde u’yrenilip ati’r.