G’a’rezsizlik ji’llari’nda Berdaq miyrasi’ni’n’ izertleniw (1990-2010-ji’llar )

G`a`rezsizlik ji`llari` xalqi`mi`zdi`n` woy-pikirin, ruwxi`y du`nyasin da`wir talaplari`na juwap beretug`i`n jan`a jo`nelislerge bag`darlaw, a`sirese jas a`wladti` jan`a ma`nawiy ruwxta ta`rbiyalaw ma`mleketlik siyasat da`rejesine ko`teriledi. Ha`zirgi jaslardi` joqari` ma`nawiy ruwxta ta`rbiyalawdi`n` na`tiyjeli tu`rlerinin` biri- bul jaslar sana-sezimine, ruwxi`y turmi`si`na ko`rkem a`debiyat jetiskenliklerin, soni`n` ishinde wo`tmish ma`deniyati` ha`m a`debiyati`ni`n` klasikaliq u`lgilerin sin`diriw boli`p tabi`ladi`. Sebebi, Wo`zbekstan Respublikasi Prezidenti I.A.Karimovti`n` duri`s ko`rsetkenindey “Wo`z tariyxi`n bilmeytug`i`n, keshegi ku`nin umi`tqan millettin` keleshegi joq.” Wolay bolsa, wo`tmish ma`deniyati`ni`n` ha`m a`debiyati`ni`n` jetiskenliklerin bu`gingi ku`n talaplari`mi`zg`a jarati`w, woni`n` klasiklerin bu`gingi ku`n ko`zqaraslari`nan u`yreniw g`a`rezsizlik da`wirimizdegi ruwxi`y turmi`s talaplari`nan boli`p tabi`ladi`.