Замонавий технологияга эга бўлган кичик корхоналарни очиш ҳисобига янги иш жойларини яратиш ҳозирги куннинг долзарб масалаларидан биридир. Шу билан бирга корхоналарда бошқарув самадорлигини ошириш учун замонавий бошқарув кадрлари билан таъминлаш, ишлаб чиқариш манфаатларидан келиб чиққан ҳолда оқилона бозор инфратузилмаларини ташкил этиш, корхоналарда бошқарув механизмларини такомиллaштириб бориш, мамлакат иқтисодиётини модернизациялаш ва ишлаб чиқишни диверсификация қилиш долзарб аҳамиятга эга бўлган муаммолардан ҳисобланади.