Mavzuning dolzarbligi. Respublikamiz mustaqillikka erishgandan keyin qishloq xo`jaligi ishlab chiqarishini rivojlantirish, uni bozor iqtisodiyoti sharoitiga moslashtirish uchun islohatlar o`tkazish davlat siyosati darajasiga ko`tarildi. Bu bejiz emas, albatta. Chunki qishloq xo`jaligida yetishtiriladigan mahsulotlar salmog`i Respublikamiz iqtisodiyotida muhim o`rin tutadi.
Ma’lumki, qishloq xo’jaligini yuritish tabiiy sharoit va tabiiy resurslarga, aniqrog’i tabiiy geografik landshaftlarga asoslanadi. Tabiiy geografik landshaftlarda qishloq xo’jaligi uchun eng muhimi bu – tuproqdir.
Qishloq xo`jaligida islohatlarni o`tkazish yer resurslari, ularning ekologik va meliorativ holati, bir so`z bilan aytganda tuproq unumdorligi darajasi bilan bevosita bog`liq.