ФОКУС (математикада) — 1) иккинчи тартибли эгри чизиқ (эллипс, гипербола, парабола) нинг фокуси ушбу эгри чизиқ текислигидаги шундай Ғ нуқтаки, унда эгри чизиқдаги ҳар қандай нуқта б-н Ғ орасидаги масофанинг директрисагача бўлган масофага нисбати ўзгармас ва бу нисбат эксцентриситетига тенг; Ф. иккинчи тартибли чизикларнинг оптик хоссаларини ифодалашда муҳим ўрин тутадиган нуқта. «Фокус» терминини 1609 й. немис олими И. Кеплер киритган;
2) дифференциал тенгламалар назариясида Фокус дифференциал тенгламалар махсус нуқталарининг бир тури. Бу нуқтадан ўтувчи интеграл эгри чизиқлар ўрамлари сони чексиз бўлган спираллардан иборат.