ФИШЕР Эрнст Отто (1918.10.11, Сольна) — немис органик кимёгари. Мюнхен олий техника мактабини тугатгач, шу мактабда ишлаган (1949 й. дан), проф. (1964 й. дан). Илмий ишлари металлорганик бирикмалар кимёсига оид. Технеций (Тс) ва трансуран элементларнинг [плутоний (Ри) дан калифорний (Cf) гача] металлорганик ҳосилаларини синтез қилган, углерод билан 5f электрон конфигурацияли металлар орасида кимёвий боғ ҳосил бўлиши мумкинлигини аниқлаган. Илк бор оралиқ металларнинг барқарор карбен комплексларини олган, оралиқ металл — икки валентли углерод боғининг физик хоссаларини мукаммал ўрганган (1964), металларнинг карбин комплексларини синтез килган (1973). Нобель мукофоти лауреати (1973, Ж. Уилкинсон билан ҳамкорликда).