ФИЛЛОКСЕРА (Viteus vitifolii) — филлоксерасимонлар оиласига мансуб тўғриқанотли ҳашарот, хавфли ток зараркунандаси. Ташки ва ички карантин объекта. Филлоксера ток зангининг барг ва илдизини, ёш новдаларини зарарлайди. Натижада ҳосилдорлик камайиб, ток туплари қуриб қолади. Биринчи марта 1854 й. да Шим. Америкада топилган. 20-а. бошларида Европа токзорларида тарқалган. Уз. 08— 1,2 мм, танаси тухумсимон, сариқяшил. Барг ва илдизларга зарар етказадиган шакли токнинг Европа навлари учун ғоят хавфли. Ҳозирда Филлоксеранинг МДҲ мамлакатлари токзорларида факат илдизларга зарар етказадиган шакли учрайди.
Кураш чоралари: чидамли навларни экиш, экиладиган материални экспертиза қилиш, тупроққа вақтвақти билан фумиеантлар билан ишлов бериш, Филлоксерага чидамли пайванд қилиб етиштирилган ток кўчатларини экиш.