ДУПЛИКАЦИЯ (лот. duplicatio — икки марта ортиш) — хромосомалар бир қисмининг икки ёки кўпроқ марта ортиши туфайли уларнинг ўзгариши. Дупликация хромосомалар қисмларининг ўзаро алмашинуви ёки гомологик хромосомалар ўртасидаги кроссинговер бир хил тенгликда содир бўлганида кузатилади. Хромосомаларнинг Дупликация бўлган қисмида шу жойда жойлашган генлар такрорланади. Бундай қўшимча генлар ўша хромосома ичида ёки унинг учларидан бирида жойлашиши, баъзан бирор бошқа хромосомага бирикиши мумкин. Дупликация янги генларнинг ҳосил бўлиш жараёнида муҳим аҳамиятга эга (яна қ. Мутация, Хромосомалар).