БЎЛИШ ҚУРИЛМАСИ (маши на созликда) — буюм ёки машина узелларини зарур бурчакка даврий бурадиган (сурадиган) қурилма. Сиртларга ишлов бериш ва уларни ўлчашда, кесиш асбоблари ҳамда тишли гилдираклар тишларини очиш, шлицалар, кўп киримли резьбалар ва спирал ўйиқлар очишда ишлатилади. Бўлиш машиналари, режалашйўниб кенгайтириш, тиш йўниш станоклари ҳамда машиналарининг столларини, барабанлар, револьвер каллакларни даврий буриб турадиган механизмлар ҳам Бўлиш қурилмаси жумласига киради. Универсал Бўлиш қурилмасида, одатда, бўлиш каллаклари марказига ўрнатиб бўлмайдиган мураккаб деталларга ишлов берилади. Анча аниқ ишлар учун мўлжалланган Бўлиш қурилмаси даражали микроскоп билан жиҳозланади.