МОЛДИБОЕВ Абдилас [1906.24.6 (7.7), Қирғизистон, Кемин тумани — 1978.31.5, Бишкек] — қирғиз композитори ва хонанда (тенор). Қирғизистон халқ артисти (1937), қирғиз композиторлик мусиқаси асосчиларидан. Москва консерваториясида таълим олган (1940—41 ва 1947—50). Қирғизистон мусиқали драма театрида (1933 й. дан), Қирғизистон опера ва балет театрида (1942 й. дан) хонанда. Қиргизистон композиторлар уюшмаси раиси (1939 — 67). В. Власов, В. Фере билан хамкорликда «Ойчурек» (1939), «Манас» (1946) биринчи қирғиз опералари, А. Веприк, М. Абдраев б-н ҳамкорликда Қирғиз давлат мадҳияси (1946), «Тўхтағул» операси (1958) ни яратган. Оммавий ва болалар қўшиқлари, романслар, хор асарлари муаллифи. Мусикали драма ва операларда Кулчоронун, Сиргак («Ойчурек», «Манас»), Телтей («Айдар ва Ойша», А. Омонбоев ва б.), Аскер («Аршин мол олон», У. Ҳожибеков), Тўле-ген («Қиз Жибек», Е. Брусиловский) ва б. партияларни махррат билан ижро этган. Тўхтағул номидаги Қирғизистон Давлат мукофоти лауреати (1970). Киргиз опера ва балет театрига Молдибоев номи берилган.