МЕХАНИК БОҒЛАНИШЛАР — бирор жисм ёки жисмлар тизимининг фазода силжишини чекловчи тўсиқлар. Mac, жисм сирпанаётган ёки думалаётган сирт; юк осилган ип; механизм звеноларини бир-бирига боғловчи шарнирлар ва б. Механик тизим нуқталари вазияти Декарт координаталари xk, ук, zk, (k=l, 2, …, п, бунда п — тизим нуқталари сони) б-н белгиланса, уларнинг вақт бўйича биринчи ҳосилалари хк, ук, zk тизими нуқталарининг тезлиги бўлади. Тизим нуқталарининг фақат вазияти чегараланса, геометрик Механик боғланишлар, тезлик ҳам чегараланса, кинематик ёки дифференциал М. б. дейилади ва қуйидагича ифодаланади: ф (…, хк, ук, zk,… хк, ук, zk,…, t) =0. Бу тенглама вақт бўйича интегралланса кинематик боғланиш интегралланувчи дейилади ва геометрик боғланишга эквивалент бўлади. Геометрик ва интегралланувчи кинематик боғланишлар голономли Механик боғланишлар дейилади.