ЛОКОМОБИЛЬ (лот. locus — жой ва mobilis — ҳаракатланувчи) — электр ток генераторини харакатга келтириш, корхоналарда баъзи технологик жараёнларни буғ билан таъминлаш учун мулжалланган буғ-куч қурилмаси. У буғ қозони, буғмашинаси ва ёрдамчи қурилмалардан иборат. Локомобильнинг кўчма (ғилдиракли) ва муқим (стационар) хиллари бор. Кучма Локомобильни исталган жойга судраб юриб ишлатса бўлади; муқим Локомобиль хонага ўрнатиб қўйилади. Муқим Локомобиль кўчма Локомобильдан буғ қозонининг тузилиши билан фарқ қилади. Муқим Локомобиль буғ қозонининг ўтхонаси думалоқ шаклда, ўтқувури сурилма қилиб ясалган. Буғ машинаси кўчма Локомобиль буғ машинасидан анча қувватлироқ (муқим Локомобильда — 125—800 от кучи, Кучма Локомобильда — 12—75 от кучи). Кучма Локомобильнинг буғ қозони худди паровоз буғ қозонига ухшайди. Локомобиль ўт хонасига маҳаллий ёқилғи-қипиқ, ўтин, торф, газ, кўмир ва б. ёқиш мумкин. Локомобиль марказлаштирилган тарзда электр энергияси билан таъминланмаган жойларда, асосан, майда саноат корхоналарида, технология эҳтиёжлари учун буғ талаб қилинадиган корхоналарда қул келади. Локомобиль 19-а. 2-ярмида ихтиро қилинган ва 20-а. 60-й. ларида и. ч. тухтатилган, лекин айрим жойларда ҳозир ҳам ишлатилади. Мас., Тошкент енгил саноат ва тўқимачилик ин-тининг иссиклик техникаси кафедрасида шундай Л. ҳозир ҳам бор ва ундан уқув мақсадларида фойдаланилади.