«КЎК КЎЙЛАК» — ташвиқот жанридаги эстрада-театр томошаси. «Жонли газета» асосида ташкил бўлиб, 1920 — 30 й. лар кенг тарқалган. Қатнашчилар саҳнага кўк кўйлак кийиб чиққанликлари учун «Кўк кўйлак» деб ном олган. «Кўк кўйлак»чиларга саҳна, декорация, грим ва алоҳида либоснинг ҳожати йўқлиги учун томошалар клублар, з-д ва ф-ка, ўқув юртларида, шаҳар майдонлари ва дала шийпонларида кўрсатилган. Дастурлари долзарб мавзуларга бағишланган адабий-бадиий монтажлар, бадиий ўқиш, интермедия, хор, рақслардан иборат бўлган.
Ўзбекистонда «Кўк кўйлак» жамоалари, асосан, клублар ва ўқув юртлари қошида тузилган. 1925 й. Ўрта Осиё ун-ти, Тошкент тўқимачилик комбивати ва б. жойларда «Кўк кўйлак» жамоалари фаолият кўрсатган. Ўзбек «Кўк кўйлак» тўгарақлари ташкилотчиларидан бири Али Ардобус бўлиб, у Наримонов номидаги Тошкент пед. билим юрти қошида, кейинчалик эса Самарқандда 75 кишилик «Кўк кўйлак» жамоасини ташкил этди. 20-й. ларнинг 2-ярмидан Қўқон, Наманган, Андижон, Жиззах, Қарши ва б. вдаҳарларда ҳам «Кўк кўйлак» жамоалари ташкил бўлди. Иштирокчилари ўқитувчи ва ўқувчилардан ташкил топган бўлиб, улар Ҳамза, Ғулом Зафарий, Сўфизода ва б. нинг асарларини ижро этишган. 30-й. лар охирига келиб, профессионал театрлар кўпая бошлагач, «Кўк кўйлак» жамоалари тарқалиб кетган.
Мамажон Раҳмонов.