КОППЕРФИЛЬД Дэвид (асли Додик Коткин) (1959.16.1, Нью Жерси штати, Метчен ш.) — америка фокусчиси, афсунгар, дунёнинг энг машҳур кўзбоғловчиси. Ота-онаси асли одессалик. Копперфильднинг ёшлигидан хотираси жуда кучли бўлган. 4 ёшида бобоси кўрсатган фокусларни тезда ўзлаштириб, изидан қайтарган. 7 ёшидан мустақил, ўзи ўйлаб топган фокусларини одамлар олдида намойиш эта бошлаган. 12 ёшидан турли шаҳарлар бўйлаб томошалар кўрсатган. 15 ёшида АҚШ «афсунгарлар жамияти»га қабул қилинган. 16 ёшидан Нью-Йорк ун-тида афсунгарликдан дарс берган. 1974 й. дан Чикагонинг «Сеҳргар» мюзиклида ишлаган ва узун мусиқали лойиҳалари учун «Копперфильд» тахаллусини олган. 1978 й. «Эй-би-си» телекомпаниясида дунёга машҳур кўрсатувларини олиб борган.
80-й. лардан бутун Америка ва дунёни айланиб, ўз томошалари билан жаҳонни лол қолдирмоқда. Энг машҳур томошалари: Буюк Хитой деворини «тешиб ўтиш», «Гранд-Каньон» устидан учиб ўтиш, Озодлик Ҳайкалини «йўқ қилиш», мўз тагида ўтириб, кейин уни ёриб чиқиш, олов ичидан ҳам ўзини, ҳам ёнидаги аёлни соғ-омон «олиб чиқиш» ва б. Нуфузли «Эми» мукофотига 12 марта сазовор бўлган Моҳина Аширова.