КОЛЛАГЕН КАСАЛЛИКЛАР, коллагенозлар — бириктирувчи тўқима (коллаген толалари) ва томирларнинг системали зарарланиши билан кечадиган касалликлар. Уларга ревматизм, ревматоид полиартрит, системали кизил волчанка, склеродермия, дерматомиозит, тугунчали периартерит киради. Коллаген касалликлар катталарда ҳам, болаларда ҳам кузатилади. Бунда, кўпинча, иситма, бўғим, тери, сероз парда (бўғим олди халтаси, плерва, перикард, қорин пардаси), ички аъзо ва марказий нерв системасининг зарарланиши кузатилади; қонда ҳам сезиларли ўзгаришлар (лейкоцитоз, нейтрофилёз, эритроцитлар чўкиш тезлиги — ЭЧТнинг ошиши) рўй беради; биокимёвий кўрсаткичлар (мукопротеидлар, кислота, фибриноген ва б. моддалар) таначаларнинг шу организм тўқималарига агрессив таъсири билан боғлиқ бўлиши мумкин. Касалликнинг бошланиши ўткир бўлиб, кейин сурункали кечади, қайта зўрайиш даври сусайиш даври билан алмашиниб туради ва касаллик кучайиб боради. Коллаген касалликларнинг зўрайишига совқотиш, инфекция манбаи борлиги (мас, сурункали тонзиллит, касалланган тишлар ва ҳ. к.) сабаб бўлиши мумкин. Касаллик оқибати ички аъзолар (юрак, ўпка, буйрақлар) ва марказий нерв системасининг қанчалик зарарланганлигига хам боғлиқ. Давос и: дори-дармонлар, даво физкультураси, физиотерапия муолажалари, касалликка қараб режим буюрилади.