КИТАКЮСЮ — Япониядаги шаҳар, Симоносеки бўғозидаги порт. Кюсю о. нинг шим. чеккасида, Фукуока префектурасида. 1963 й. да саноат марказлари — Явата, Тобата, Кокўра, Вакамацу ва Модзи ш. ларининг қўшилишидан таркиб топган. Аҳолиси 1,01 млн. киши (1995). Китакюсю — транспорт йулларининг муҳим тугуни. Мамлакатнинг энг йирик саноат марказларидан бири. Оғир ва енгил саноат корхоналари кўп. Саноатининг етакчи тармоқлари—қора ва рангли металлургия. Кокс-кимё, кимё, машинасозлик, озиқ-овқат, тўқимачилик, ҳарбий саноат, нефтни қайта ишлаш, цемент, ойна-керамика, полиграфия корхоналари бор. Кокўрада кўмир-энергетика кти қурилган. Яватада дунёдаги энг йирик металлургия к-тларидан бири жойлашган. Шаҳар Хонсю ороли билан сув ости йўли орқали боғланган.