КАТТА ҚУЛЛАР КЎЛИ, Катта Асирлар кўли — Канаданинг шим.ғарбий қисмидаги кўл, 150 м баландликда. Майд. 28,6 минг км2, чуқ. 150 м гача, уз. 480 км. Кўл ўрни музлик ва тектоник ҳаракат натижасида вужудга келган. Ғарбий соҳили паст, игна баргли ўрмонлар билан қопланган, шарқий ва шим. соҳили сертепа, ўсимлик кам. Шарқий қисмида орол кўп. Кўлга Қуллар дарёси, Хей ва б. дарёлар қуйилади; Макензи дарёси оқиб чиқади. Окт. дан июнгача музлайди. Кема қатнайди, балиқ овланади. Шим. соҳилида олтин конлари бор. Кўл соҳилида Йеллоунайф, ФортРезольюшен портлари жойлашган.