КАННИЦЦАРО (Cannizzaro) Станислао (1826.13.7, Палермо — 1910.10.5, Рим) — италиялик кимёгар. Атом-молекуляр назариянинг асосчиларидан бири. Александрия Миллий коллежи (1851-55), Генуэз (1856-61), Палермо (1861-71), Рим (1871-1910) ун-тлари проф. Бензальдегидга ўювчи калийнинг таъсирини ўрганиш натижасида бензил спиртини ва ароматик альдегидларнингоксидланишқайтарилишли диспропорцияланиши ёки ишқорий муҳитда бир молекула альдегиднинг қайтарилиши ҳисобига бошқа бир молекула альдегиднинг оксидланишини (қ. Канниццаро реакцияси) кашф қилган (1853). Инглиз кимёгари ва физиги Ж. Дальтон ва А. Авогадрояан то француз кимёгарлари Ш. Ф. Жерар ва О. Лорангача бўлган атом-молекуляр таълимотнинг ривожланишини тахлил қилиб, атом массаларининг рационал системасини таклиф қилган (1858). Элементлар, жумладан, металлар атом массаларининг аниқ қийматларини топган; Авогадро қонуни асосида «атом», «молекула» ва «эквивалент» тушунчаларига аниқ изоҳ берган (1860).