ЖУФТ ЧАТИШТИРИШ — отаона ўсимлик ўртасида бир марта ўтказиладиган чатиштириш; селекция усули, оддий чатиштиришнинг бир хили. Жуфт чатиштириш йўли билан олинган дурагайлар популяциясида янги нусхалар пайдо бўлиш жараёни муртакка бир жуфт ота-онадан тенг миқдорда ўтган ирсий материалларнинг қайта жуфтланиши асосида боради. Реципрок чатиштириш ҳам Жуфт чатиштиришнинг бир хили. Бу усул ўсимликлар селекциясида кенг қўлланилади.