ИШЛАБ ЧИҚАРИШ ГРАФИГИ корхонада муайян давр (кун, ой, чо-рак, йил) давомида маҳсулот и. ч. нинг календарь режаси. Бу режа бутун корхона ва унинг алоҳида бўлимлари (цех, участка, поток линиялар, агрегат ва б.) микёсида тузилиб, график ёки жадвал шаклида ифодаланади. Ишлаб чиқариш графиги деталларни и. ч. нинг технологик схемаси ва кет-ма-кетлиги ҳамда тайёр маҳсулотнинг таркибий қисмларга бўлиниш қоида-сига асосланади. Корхонада Ишлаб чиқариш графиги лари камров доирасига кура, корхона микёсида ойлик топшириқлар графигини ишлаб чиқиш; цех участка ёки бўлим бўйича бир машинакомплектга керакли деталлар ва узеллар сонини ҳисоблаб чиқиш; деталлар, узелларни и. ч.-нинг кундалик график топшириқларини ишлаб чиқиш; и. ч. ортда қолган деталлар бўйича 10 кунлик тезкор и. ч. графигини ишлаб чиқиш ва б. бўлиши мумкин. Маҳсулот и. ч. нинг якка тартибда ёки сериялилиги маҳсулотнинг тури, унинг деталлари, узеллари миқдори, технологик операцияларнинг хилма-хиллиги, и. ч. жараёнида операциядан операцияга ўтишнинг кўп йўналишлилиги ва б. билан характерланади ва жараёнларни ўзаро боғлаб туради. Ишлаб чиқариш графигига қатъий риоя қилиш корхонанинг ҳамма бўлимлари ишида ўзаро уйғунликни, ҳамкорликни таъминлайди.