ИНОЯТОВ Ҳидоят (1913 — Тошкент — 1938.5.10) — Ўзбекистонда жисмоний тарбия ва спорт ташкилотчиси. Ёшлар ҳамда мудофаага кўмаклашувчи ташкилотларда ишлади. Парашют ва планер спорти тўгараклари, спорт шаҳарчалари ташкил этди. Ўзбек футболчиларини илк бор халқаро миқёсга олиб чиқди. 1935 й. Туркияга ўртоклик учрашувлари ўтказиш учун борган футбол жамоасига раҳбарлик қилди. Республика жисмоний тарбия ва спорт қўмитаси раиси муовини (1938). Иноятов та-шаббуси билан армияга чақирилувчи ёшлар ўртасида велосипедда юриш (веломарафон) уюштирилди. 1935 й. 12 майдан — 14 июлгача давом этган бу юришда 5 киши (Ҳидоят Иноятов, Юзеф Эйнингис, Абдуваҳоб Иброҳи-мов, Абдураҳим Хўжаев, Василий Ша-лякин) Тошкент—Жиззах—Самарканд — Бухоро—Чоржўй—Термиз—Ду-шанба— Ўш—Андижон — Хўжанд — Тошкент йўналишини босиб ўтди. Икки ҳафтадан сўнг шу веломарафончилар Тошкент— Оренбург—Куйбишев—Пенза—Рязань—Москва йўналишига отланадилар (30 июль — 13 сент.). Беш ой мобайнида жами 7000 км йўл босиб ўтдилар. Бу тенгсиз марафон Ўзбекистонда велосипед спортининг оммалашишига сабаб бўлди. И. Москвада ўтка-зилган Физкультурачилар кунида Сталинга суиқасд қилмоқчи бўлган, деб айбланади ва отиб ташланади. Вафотидан сўнг оқланди (1958). Тошкентдаги 18-болалар ва ўсмирлар спорт мактабига Иноятов номи берилган. Наманган вилояти йўллари бўйлаб ёш велосипедчиларнинг Иноятов номидаги халқаро турнири ўтказилади.
Ахбор Имомхўжаев.