ИМПУЛЬСЛАР ТЕХНИКАСИ — электр импульсларни ҳосил қилиш (генерациялаш), кучайтириш, ўзгартириш ва улардан фойдаланиш билан боғлиқ бўлган техника соҳаси. Бундай импульслар релаксацияловчи генераторлар (мультивибраторлар, блокинггенераторлар ва б.) ёки бошқа генераторлар ёрдамида ҳосил қилинади. Импульс режимда ишлайдиган (электр сигналлар узлукли бериладиган) им-пульсли лампа ва яримўпгказгичли асбоблар электр импульслар манбаи ва кучайтиргичлари бўлиб хизмат қилади. Электр импульсларнинг турли электр занжирлар, қурилмалар ва объектларга таъсиридан вужудга келадиган жараёнлар ҳам Импульслар техникасида тадқиқ қилинади.
Импульслар техникасида электр импульсларининг турли шаклларидан фойдаланилади. Электр импульси — ток ёки кучланиш импульси қисқа вақт (х) ичида таъсир этади ва аниқ Т вақт (такрорланиш даври) оралиғида такрорланади.
Импульслар техникасида қўлланиладиган импульсларнинг давомийлиги х = 0,1 с дан 1 нано с гача (1нс = 10~9 с), такрорланиш даври эса Т= 10 — 106 х. Импульслар қуввати ўнлаб млн. ватт гача боради. Импульслар иккига бўлинади: видеоимпульслар ва радиоимпульслар. Видео-импульслар — кучланиш ва токнинг қисқа вақт ичида нолдан максимумга ва максимумдан нолга тушиши. Радиоимпульслар қисқа вақт ичидаги юқори частотали гармоник тебранишлар кетма-кетлигидан иборат. Импульслар амплитудасини ёки қутблилигини ўзгартиришда импульсли трансформатордан иборат бўлган трансформатор занжири қўлланилади. Импульснинг давомийлигини камайтиришда индуктивлик ғалтаги, электр конденсаторлар ва резисторлардан иборат дифференцияловчи занжирлардан; оширишда эса таркибида конденсатор ва резисторли интеграцияловчи занжирлардан фойдаланилади.
Импульсли режим телевидениеда кенг қўлланилади: тасвир ва синхронлаш сигналлари импульсли сигналлар ҳисобланади. Радиоимпульслар ёрдамида масофани ўлчаш усуллари ишлаб чиқилган; натижада радиолокация ва радионавигация анча тараққий этди. Узокдан туриб радиобошқаришда импульсли режимдан фойдаланиш анча самарали ҳисобланади. Ер сунъий йулдошларинм, космик кемалар ва б. ни Ердан туриб бошқариш мумкин. Ахборот-ўлчаш техникасида ҳам импульсли усулларнинг аҳамияти катта. Замонавий электрон ҳисоблаш машиналарининг иши Импульслар техникаси усуллари ва воситаларига асосланади. Импульслар техникаси усуллари, айниқса радиоулчаш курилмаларида жуда қўл келади.
Электротехниканинг юқори (102 В дан 107 В гача) кучланиш ва кучли (102о дан 107 а гача) ток импульсларини ҳосил қилиш, ўлчаш ва улардан фойдаланиш б-н шуғулланадиган соҳаси юқори кучланишли Импульслар техникаси деб аталади. Бундай импульслар давомийлиги 10~ дан 1СН0 с гача. Улардан электротехника аппаратларини синашда, яшин қайтариш қурилмаларини моделлашда, экспериментал физикада фойдаланилади. Кучли ток импульслари термоядро курилмаларида, зарядли зарралар тезлаткичларида, аэродинамик ва термоядро тадқиқотларида, электротехника курилмалари ва коммутация аппаратларини синаш ва б. соҳаларда кўлланилади. Бундай импульслар электр генераторлар, аккумуляторлар, конденсатор батареялари ва б. ёрдамида ҳосил килинади.