ГЕНРИХ (Henri) — Франция кироллари. Энг машҳурлари: Генрих II (1519.31.3, Сен-ЖерменанЛе—1559.10.7, Париж) — қирол (1547 й. дан). Валуа сулоласидан. «Алангали палата»ни таъсис этган (1547). Генрих қўшинлари 1552 й. Мец, Туль, Верден («Муқаддас Рим империяси»даги епископликлар)ни эгаллашган. Италия уруши (1494—1559)га якун ясаган, КатоКамбрезия сулҳини имзолаган (1559).
Генрих III (1551.19.9, Фонтенбло — 1589.2.8, Сен-Клу) – қирол (1574 й. дан). Валуа сулоласининг сўнгги вакили. Генрих Наваррский ва Гизлар билан кураш олиб борган. 1588 й. майда Париждаги халқ қўзғолони («Баррикадалар куни») туфайли Шартрга қочган. Қўзғолончи парижликлар Генрихни тахтдан ағдарилган деб эълон қилганлар. Г. III Генрих Наваррский билан келишиб у билан Парижга юриш қилган. Гизлар тарафдори бўлган роҳиб томонидан ўлдирилган.
Генрих IV (1553.13.12, По, Беарн – 1610.14.5, Париж) — қирол (1588 й. дан, расман 1594 й. дан). Бурбонлар сулоласининг биринчи вакили. Антуан Бурбоннинг уғли. 1562 й. дан Наварра қироли Генрих Наваррский. Диний урушлар даврида гугенотлар раҳбари. 1593 й. католик динини қабул қилгандан сўнг, 1594 й. Париж уни қирол деб тан олган. Генрих 1598 й. Нант эдиктини эълон қилган. Унинг олиб борган сиёсати абсолютизмни мустаҳкамлашга хизмат қилди. Католик мутаассиб Равальяк томонидан ўлдирилган.