ГЕМАГТЛЮТИНАЦИЯ (гемо… ва агглютинация) — серологик реакция; қуйилаётган қон реципиент (қон олувчи бемор)нинг қон гуруҳига мое келмаганда, қон шаклли элементларидан эритроцитларнинг бир-бирига ёпишиб, ғуж бўлиб чўкиши. Бевосита ва билвосита Гемагтлютинация фарқ қилинади. Бевосита Гемагтлютинацияда эритроцитларнинг ёпишиб қолиши унга антитело — гемагглютининларнинг тўғридантўғри таъсири туфайли рўй беради. Агар гемагглютинин ва эритроцитлар бир турдаги организмга хос бўлса, изогемагглютинация содир бўлади. Бу қон гуруҳини аниқлаш ва донорни тўғри танлашда қўл келади. Агар юқоридаги ҳолат ҳар хил турдаги организмга хос бўлса, гетероагглютинация рўй беради, бу асосан айрим инфекцион касалликлар (мас, инфекцион мононуклеоз)да кузатилади. Билвосита Гемагтлютинацияда тегишли антиген ёки гаптен билан ишланган эритроцитлар ёпишиб қолади. Бу реакция айрим инфекцион ва аллергик касалликларда қўлланилади. Эритроцитларнинг ғуж бўлиб ёпишиб қолиши вируслар таъсирида (мас, гриппда) ҳам рўй бериши мумкин. Вирусли касалликларни аниқлашда бу реакцияларнинг ўзига хос томонларидан фойдаланилади.