ГАУРЛИ ТИЗМАСИ — Сурхондарё вилоятининг шим.-ғарбидаги тоғ тизмаси. Бойсунтоғ системасига киради. Шим. қисмида жойлашган Хўжа Гур-гурота тоғларидан Қайроқсой дарёсига қадар жан. га деярли меридионал йўналишда 8—10 км га чўзилган. Ўрта-ча бал. 2400—3000 м, энг баланд нуқтаси 3300 м. Ер юзаси парчаланган, тектоник кўтарилишлар таъсирида юзага келган рельеф шакллари (денудациятектоник) тарқалган. Ўртача йиллик т-ра 2000 м баландликда 10°. Янв. нинг ўртача т-раси 1500 м баландликда 2°, июлники 25—26°. Ўртача йиллик ёғин миқдори 800—900 мм. Асосан қўнғир тоғ ўрмон тупроқлари, оч қўнғир баланд тоғ тупроқлари тарқалган. Бир йиллик (эфемер), куп йиллик (эфемероид) ўсимликлар кенг тарқалган бўлиб, улар сермаҳсул тоғ яйловлари ресурсларининг асоси ҳисобланади. Олма, нок, олча, дўлана, бодом, ёнғоқ, тол, терак, учқат, наъматак, зирк, доривор ўсимликлардан ки-йикўт, чойўт, зира, ровоч, анзур пиёз куп учрайди. Арчазорлар катта майдонни эгаллаган. Нодир ва хушманзара ландшафтлар, табиат ёдгорликлари, рекреация (дам олиш) объектлари кўп. Тупроқ эрозияси, яйлов дегрессияси кенг тарқалган.