ГАЛОГЕНИДЛАР — галогенларнинт бошқа элементлар билан ҳосил қилган кимёвий бирикмалари. Галогенидларга, одатда, галоген атомининг электр манфийлиги бошқа элементларникига Караганда юқори бўлган бирикмалар киритилади. Аралаш ва полигалогенидлар, гидрогалогенидлар, оксогалогенидлар, оксигалогенидлар, гидроксогалогенидлар, тиогалогенидлар ва комплекс Галогенидлар мав-жуд. Элемент — галоген боғланишига кўра оддий Галогенидлар ионли ва ковалентли хилларга бўлинади.
Галогенидларни тўғридан-тўғри элементлардан, галогенводородларни ёки уларнинг кислоталарини элементлар билан реакцияга киритиб олиш мумкин.
Галогенидлар табиатда минераллар ҳолида, денгиз ва уммонлар сувида учрайди. Баъзи Галогенидлар (мас, натрий хлорид, калий хлорид, кальций хлорид) тирик организм таркибига киради.
Галогенидлар техникада галогенлар олишда, ишқорий ва ишқорий-ер металлар синтезида, шиша ва б. анорганик материаллар компоненти сифатида қўлланилади.